Справы грамадзян Беларусі ў Еўрапейскім судзе па правах чалавека

Даследаванне сістэматызуе ўсе рашэнні і пастановы ЕСПЧ па справах грамадзян Беларусі. Паводле высноваў, дзве траціны скаргаў грамадзян Беларусі былі пададзены супраць урадаў Украіны і Расіі. 82% скаргаў беларусаў у ЕСПЧ (23 з 28) датычаць аспрэчвання намераў замежных дзяржаваў дэпартаваць/экстрадаваць/экспатрыяваць асобу ў Беларусь. Заяўнікі гэтай катэгорыі справаў спасылаюцца на парушэнне артыкула 3 ЕКАПЧ, а менавіта — на імавернасць катаванняў, жорсткага абыходжання ці абыходжання або пакарання, якое прыніжае годнасць.